எல்லாரும் தமிழர் தானே?

யாழ்ப்பாணத்தில் இந்திய தூதரகமா ? அமையுமா ? நிருபாமா  கேட்டிருக்காங்க சம்மதம் தெரிவிக்கப்படுமா என பல கேள்விகள் மனதில் . நிறைய சந்தேகங்களும் வேற ..

தலைமை தூதரகம் என்னவோ கொழும்பிலை தான் . ஒரு துணைத்தூதரகம் ஒன்று கண்டியிலை இருக்கு . இன்னொரு துணைத்தூதரகம் யாழ்ப்பாணத்தில்  அமைக்க வேணும்  எண்டு இந்தியாவிண்ட விருப்பம். என்ன எண்ணமோ தெரியவில்லை . இந்திய  தூதரகம் அமைந்து விட்டால் எங்கட தமிழ் மக்கள் தொட்டது எல்லாத்துக்கும் கொழும்புக்கு வரோணும் எண்டு அவசியம்  இல்லை .

ஆரம்பத்திலை இருந்தே எனக்கு நிறைய எண்ணம் . சண்டை முடிஞ்சுதோ இல்லையோ . தமிழ் நாட்டு தமிழர்களையும் இலங்கை தமிழர்களையும்  ஒரு பாலத்தை இடையிலை போட்டு தரை வழியா இணைச்சிடுவம் எண்டு . என்னை பொறுத்த வரை தமிழன் என்று ஒரு இனம் தான் இருக்கோணும் . தமிழ் நாட்டு தமிழர்கள் யாழப்பாண மக்களுக்கு மிகவும் விருப்பம் எனவும் தெரியும் .

என்ன செய்யிறது எல்லாம் அரசியல் விளையாட்டு . மக்களுக்கு எப்ப புரியுதோ தெரியேல்ல . இது ஆரிய திராவிட பிரச்சனையா இந்தியா பாக்குதா எண்டு சந்தேகம் வேற .திராவிடர்கள் என்று பார்த்தால் நாம் எல்லாரும் ஒன்று தான் . அது நிறையவே மகிழ்ச்சி . இந்திய யாழப்பாண உறவு மேம்படுமோ என்னவோ தெரியவில்லை . தமிழ் நாட்டு யாழப்பாண உறவு மேம்படோனும் அது தான் வேணும் .  

சனாதிபதி அம்பான்தொட்டையிலை ஒரு விமான நிலையம் கட்டுறார் இருக்கிற பண்டார நாயக்க சர்வதேச விமான நிலையத்தையும் சேர்த்து . இவளவு தூரம் சம உரிமை சம உரிமை என்டுறாரே . வடக்கு கிழக்கிலை எதாவது ஒரு இடத்திலை விமான நிலையம் கட்ட மாட்டாரா எண்டு குறுக்கு யோசனை வேற . நிச்சயமா கட்டப்படாது . காட்டாயமாக யாழ்பாணம் மற்றும் தமிழர் ராச்சியம் தனியாக நிமிர்ந்து நிற்க்கும் என்பது உறுதி . தன்னிச்சையாக மாறி மீண்டும் அபிவிருத்தி நோக்கி மக்கள்  கொண்டு செல்வர் எண்டு நம்பிக்கை . 

பழைய படி கல்வி நிலைகளில் முன்னேற மீண்டும் பொறமை வரும் . மீண்டும் அழிப்பு இடம் பெறும் . இதெல்லாம் தேவை தானா ? கடைசி வரைக்கும் முழு உரிமை வழங்கப்பட போவதும் கிடையாது .ஏன் இந்த கால வீணடிப்பும் பூச்சாண்டி வேலையளுமோ தெரியேல்ல. தமிழ் நாட்டின் பங்களிப்பு ஒண்டுமே இல்லையெண்ட பிறகென்ன அங்க சேர்ந்த மாநில ஆட்சி . வடக்கின் அபிவிருத்திக்கு நேரடியாக தமிழ் நாடு முன்னின்று செய்ய முடியாதா ?

சீன ஆட்சி குறுக்கிடுவதே இந்தியாவின் அபிவிருத்தி தலைஈட்டிட்க்கு காரணம் . ஒரு அக்கறை மண்ணாங்கட்டியும் இல்லை . இலங்கை சீனாவின் பேச்சை கேட்டு ஆடுகிறது என்ற கோபமுமே . சீனா இந்தியா  இலங்கை பிரச்சனையே தவிர .. இதற்க்கும் தமிழருக்கும்  என்ன சம்மந்தம் ? தமிழரின் நிலத்தில் விளையாடுகிறோம் அவளவு தான் . தமிழ் நாடும் உலகமும் வேடிக்கை பார்க்கிறது . ஐரோப்பிய நாடுகளை தனது இறைமை என்று கூறி வர விடவுமில்லை . 

ஆசியன் கண்ணீர் விடுவது போல் முதலை கண்ணீர் வடித்தாலும் ஐரோப்பிய நாட்டவன் கொஞ்சமாவது கண்ணீர் விடுவான் . மக்களுக்காக உலக தைவர்கள் என்பதை மறந்து விட்டனர் போலும் . 

இலங்கையர்கள் ,இந்தியர்கள் தமிழர்கள் என்று வரும் போது ஏன் பிரிக்கிறார்கள் . ஈழ தமிழர்களுக்கு ஆதராவம் . ஏன் தமிழர்களுக்கு ஆதரவு என்றால் என்ன ? சின்னப்பிள்ளை தனமான கேள்வி என்றால் விட்டு விடுங்கள் ...