அர்த்தமுள்ள இந்து மதம்.. எனது பார்வையில்

இது வெறுமனே இந்து மதம் பற்றிய பதிவு அல்ல . இந்துசமயத்தை ஒரு மதம் என எடுத்துக்கொள்ளாது ஒரு வழிகாட்டியாக எடுத்துக்கொண்டு அனைவரும் வாசிக்கலாம் . 

இந்த காலத்தில் மிக  முக்கியமான பிரச்சனையாக ஜாதிப்பிரச்சனைகள்,மொழிப்பிரச்சனைகள் . எந்த அடிப்படையில் பிரிக்கப்பட்டுள்ளனர் என்று உங்கள் அனைவருக்கும்  தெரியும் .இதென்ன பிரச்சனை? அனைவர் மனதிலும் உள்ள பிரச்சனை  அறியாமை . இந்து மதத்தை முழுமையாக அறியாமை . பாதி அறிந்தவன் பூசை மட்டும் செய்கிறான் , மீதி அறிந்தவன் விரதம் , வேண்டுதல் , நேத்திக்கடன் ,விழாக்கள் எடுக்கிறான் . முழுமையாக அறிந்தவன் கோபத்தில்  தான் இருப்பான்.

என்னை பொறுத்த வரை இந்து மதத்தை தற்போதைய நிலைப்படி அழகாக பிரிக்கலாம் . கோவிலுக்கு வெளியில் நிற்க்கும் ஜாதி(தீண்டத்தகாதவர்கள் ) , கோவிலுக்கு உள்ளே நிற்க்கும் ஜாதி , கர்ப்பக்கிரகத்துக்குள்ளே நிற்க்கும் ஜாதி (பிராமணர்கள் ).  இந்து மதம் ஒரு வழிகாட்டி மதம் . உரிமைக்காரர்கள் இல்லாத ஒரே தனித்துவமான மதம் . இதற்க்குள் பிராமணர்கள் எங்கிருந்து வந்தார்கள் என்றே கேள்வி எழலாம்.

இவ்வாறான  பிரச்சனைகளை அணுக வேண்டுமானால் இந்து சமயம் அல்லது வேறு மதங்கள் தோன்றிய அடிப்படையில் போய்  காரணத்தை தேட வேண்டும் . சமயங்கள் இறைவன் மனிதனுடைய பயத்தை போக்குவதட்க்காய் உருவாகியவை . மனிதனால் உருவாக்கப்பட்டவையே தவிர. மனிதனை மதங்கள் உருவாக்கவில்லை .


கவிஜர் கண்ணதாசனின் அர்த்தமுள்ள இந்து மதத்தையும் எனது கருத்தையும் தொகுத்து  கூறினால் மிக பொருத்தமாக இருக்கும் .


 இந்த உலகம் பல லட்சம் ஆண்டுகளுக்கு முன்பு தோன்றியதிலிருந்து  மனித இனம் தோன்றிய காலம் ஒரு சிறு பகுதியே . மனித இனம் 50 ,௦௦௦ ஆண்டுகளுக்கு முதலிலேயே உருவாகியது அதில் ஒரு பகுதியே சமயங்கள் தோன்றியது என்பது பலர் மறுக்க முடியாத உண்மை . காட்டுமிராண்டியான மனிதனிடம் நாகரிகம் வளர காதலும் மதங்களும் உறுதியாக நின்றது யதார்த்தம். சட்டங்கள் எவ்வாறு தோன்றியதோ அதே போலவே மனிதன் வழி தவறாமல் இருக்க  மதங்கள் மனிதனால் உருவாக்கப்பட்டவை . மதங்களின் பெயரால் மீண்டும் காட்டுமிராண்டிகள் ஆவது தான் ஒரே கவலை .


இதற்க்கு எல்லாம் காரணம் யாரோ எழுதிய புத்தகங்களும் யாரோ கூறிய  வார்த்தைகளையும் சரியோ தவறோ என பார்க்காமல் மனிதன் பின் பற்றுவது  தான் . அவை ஒன்றும் புதிய நூற்றாண்டில் எழுதப்படவில்லையே . வேண்டுமானால் அந்த காலகட்டத்துக்கு பொருந்தலாம் . 


சரி கவிஜர் தனது பார்வையில் இந்து மதம் ஒரு மதமாக இருக்கவில்லை என்றும் ஒரு வழிபாட்டு முறைமை  இருந்தது  என்றும் கூறியுள்ளார் . உண்மையில் இந்தியாவில் தான்     முதல் முதலாக வழிபாட்டு முறைமையோ அல்லது மதமோ தோற்றியதாக உலகம் ஏற்றுக்கொள்கிறது .  இதிலிருந்து இந்து சமயம் அந்த பெயரை பெற முன்னரே வைணவம் , சைவம் என இரு வகைகளாகவே இருந்தது .

உண்மையில் எல்லா சமயங்களுக்கும் உருவாக்கியவர்கள் பெயர் உண்டு. இயேசு கிறிஸ்துவால் உருவாக்கப்பட்டது கிறிஸ்தவ சமயம் , கவுதம புத்தரால் உருவாக்கப்பட்டது பவுத்த சமயம் . ஆனால் இந்து சமயத்துக்கு உருவாக்கியவரும் கிடையாது . யாராலும் உருவாக்கப்படவுமில்லை . ஒரு  சமூக மக்களால் நிர்ணயிக்கப்பட்ட ஒரு வழிபாட்டு முறை . இந்த ஒரு ஆதாரமே போதும் . 


கிறிஸ்தவ சமயத்துக்கு எவ்வாறு புரட்டஸ்தாந்து சமயமோ அவ்வாறே   இந்து சமயத்துக்கும் சமண சமயம் இருந்தது . ஆனால் இந்து சமயத்தை அழிக்க பல மதங்கள் உருவாக்கப்பட்டாலும் அவை அனித்தும் தாமே  அழிந்தது தான் வரலாறு . ஆனால் இப்போதும் இந்து சமய அழிப்பில் பலர் சிக்கி வேறு மதங்களாக பிரிந்துள்ளனர் . ஒரே காரணம் வேறு சமயங்களை யாரும் குறை கூட சொல்ல முடியாது . ஆனால் இந்து சமயம் விமர்சனத்துக்கு உள்ளாக்கப்பட்டுள்ளது என்பது கண்ணதாசன் கருத்து . இவளவு தூரம் விமர்சனங்கள் தாங்கி நிற்க்கிறது என்றால் எப்போதும் அழியாது .

மனிதன் ஒரு வழிபாட்டை சமூக வழிபாடாக மாற்றிய போது உருவாகியதே மதம் என்ற பெயர் . மனித மனோபாவத்தின் அடித்தளத்தில் இருந்து மத உணர்ச்சி தோன்றிய போது ஒரு இந்துவிட்க்கு இந்தியாவிலே எந்த உணர்ச்சி தோன்றியதோ அதே உணர்ச்சி அனைவருக்குமே  தோன்றியது .  ஒரு  அடிப்படை மத உணர்ச்சி எப்படி இருந்ததோ அது  அப்படியே கொண்டது தான் ஹிந்து மதம் . 


சுவாமி விவேகானந்தர்  வாக்குப்படி "மரணம் என்ற ஒன்று இருக்கின்ற வரையில் நீ விரும்புகின்ற ஒன்று நடக்காத வரையில் விரும்பாத ஒன்று  நடக்கின்ற வரையில் ஈஸ்வரன் என்பவன் நீ விரும்புகிறாயோ இல்லையோ இருந்து கொண்டே இருப்பான்" . மனோதத்துவ ரீதியான தன்னை உணர்ந்தவன் கூறும் கருத்து இது . 


லௌகீக   வாழ்க்கை (கணவன் மனைவி  )  முறைமை இருக்கும் ஒரே மதம் இந்து மதம் . இது பற்றி என்னுடைய் அடுத்த பதிவில் தொடர்ந்து எழுதுகிறேன் .